באזונדערע ווענדונג צו מחותנים און עלטערן!

וואס טוט 'בית נאמן' מיט מיין קינד?

ווען עס איז די רעדע פון די "שנה ראשונה" תקופה, איז איבריג מסביר צו זיין דעם צורך פון די אלע פעולות, דאס איז דאך דער גרעסטער און קאנטראסטיסטישער טויש וואס מען מאכט אין לעבן, יעדער איז דאן רוי און אומוויסענד, וואס ברענגט שוועריקייטן און ספיקות,  מ'איז נאכנישט געהעריג מסודר ברוחניות ובגשמיות עס פאלט ארויף פרישע התחייבות און הנהגות, וואס מ'האט נישט קיין ערפארונג.

אויב באקומט מען נישט תיכף די ריכטיגע הדרכה אין די קריטיש-וויכטיגע צייט, געוואוינט מען זיך איין צו לעבן מיט הנהגות וואס איז נישט תורה'דיג און נישט מענטשליך, און ווי פארשטענדליך לאזט דאס ליידער איבער א אומערזעצבארער שאדן. וויפיל מ'זאל נאר שרייבן, קען מען נישט גענוג שילדערן אויפן פאפיר, דעם גרויסן חלל וואס איז געווען אויף דעם געביט, און וויפיל מ'קען נאך אלץ מער און מער אויפטוהן.

ווער טראגט 'דעם עול' פאר מיין קינד?

דעריבער האבן מיר עטליכע יחידים 'הנהלת בית נאמן' גענומען אויף זיך דעם גרויסן עול און אחריות צו טוען אלעס וואס פעלט זיך אויס לטובת די חתנים - ואברכים צעירים שיחי'. אויסער די 'מדריכים' וואס גרייטן צו די חתנים בעפאר די חתונה, און דערנאך באגלייטן זיי ווי לאנג עס פעלט זיך אויס, וואס דאס באצאלט יעדע טאטע אליין, טוען מיר נאך פארשידענע לעבנס-וויכטיגע פעולות אין אלע געביטן במשך די שנה ראשונה

ווי פארשטענדליך אז דאס אלעס קאסט אפ גרויסע געלטער - וויפיל מיר ווילן זיך נאר פארברייטערן מיט וויכטיגע פעולות, לטובת די אינגעלייט, ווערט מען שטענדיג אנגעשטויסן אין כסדר'דיגע געלט פראגעס. - אין אזא קריטישע צייט ווען אייער קינד הייבט אן בויען זיין אייגענעם שטוב בעזה"ש, און ברויך צו קומען טריט און שריט צו אסאך הדרכה וחיזוק, האפט איר / ווילט איר אוודאי זעהן ווייטערדיגע פירות פון אייער הארעוואניע ביז אהער.

וואס קען איך 'ארויסהעלפן' פאר מיין קינד?

דעריבער ווענדן מיר זיך צו אייך אלס געטרייע טאטע, העלפט אונז / אייך ארויס מיר זאלן נישט אונטערברעכן ח"ו, און זייט אייך משתתף לכה"פ מיט $180 און האט א חלק אין די מערערע פראיעקטען אינערהאלב מפעלינו לטובת בנינו ודורותינו, כדי די עבודת הקודש זאל קענען ווייטער אנגיין אומגעשטערט ביתר שאת וביתר עוז בעז"ה.

דורך אייער נדבה העלפט איר הונדערטער אידישע שטובער זיך שטעלן גרינגערהייט אויף די ריכטיגע רעלסן, און לעבן א ערליך גליקליך לעבן, אויפצושטעלן דורות ישרים ומבורכים. - בזכות זה זאלט איר זעהן אידיש נחת ביי אלע אייערע קינדער און אייניקלעך, מיט געזונט והרחבת הדעת עמו"ש, עד ביאת גואל צדק ומלכינו בראשינו בב"א.

בן ציון אליהו זאלדאן                 דוד יודא פריעדמאן

מרכי אהרן זאבעל                 הערשל קאהן                 יצחק אליקים שווארץ